Okaasan (Madre) [di Mikio Naruse, 1952]

Donna Peppina Violi

di Pasquale e Maria Ciampa

11 aprile 1925 - 8 luglio 1994

eterna sposa di Antonio Trimboli

8 maggio 2016

Comu forestera ccà rrivai,

famigghjia e lavuru affruntai,

dassai u me paisi comu “pratiota”

e janu janu diventai “carraffota”.

Dassai ricordi chini d’affettu,

u cchjiù bellu u misi nta lu pettu,

lu tinni strittu no mi nesci via:

è chiju di la cara “mamma” mia.

                    Mamma:

Ognunu i nui seguimmu a nostra sorti,

rrestasti sula ma tu sempri cchjiù forti …

Fummu da tia, “figghjioli amati”

E nui di tia “mamma nnamurati”.

U cori d’amuri ndu parinchisti

E di cosi belli ndi nutristi,

nui li portamu tutti sigillati

no’ mi sunnu du tempu cancellati.

Ti portasti affanni e patimenti

Non ci fu tempu pe godimenti …

Chjiudisti l’occhji, cchjiù no nsentivi.

Chjiamavumu: mamma, ma tu no’ rispundivi.

Fusti mamma unica ed esemplari,

oji 8 MAGGIO, ti vorzi ricordari,

nta sti verzi attia dedicati

ci sunnu l’intenzioni di me soru e di me frati.

Comu forestera, nto pajisi chi nescia

Tornu mu dicu na preghiera attia:

                                     Mamma mia.

I tuoi figli amati

Silvana Trimboli, Caraffa del Bianco

 Il ritratto di Peppina concesso da Silvana risale al 19 gennaio del 1959, quattro mesi prima della tragedia che travolse Antonio Loreto e la sua famiglia.

https://iloveplati.blogspot.com/2019/09/una-vita-spezzata-neil-coombs-2008.html

https://iloveplati.blogspot.com/2019/09/una-vita-spezzata-il-bianco-e-il-nero.html

https://iloveplati.blogspot.com/2019/09/a-broken-life-di-neil-coombs-2008.html

Il film di Mikio Naruse citato in apertura contiene lo stesso struggente tono, nel ricordare okaasan - la grande, indimenticabile Tanaka Kinuyo, della poesia composta da Silvana: una riflessione sul tempo, sulla vita stessa, la vita che avanza irrimediabilmente senza fermarsi, portandoci in un altrove che con fatica accettiamo.