“O FACCI DI NA PALAMA LAVURATA”
O facci di na palma lavurata e
Diu ti fici a ttia tanta pulita
Nescisti chija notti risijata ti
Vojjiu beni chiù di la me vita
E ora bella ti vitti maritata
E lu nostru Signuri mu vi
iuta pe mmu faciti vui na
Lunga vita di paci e di
Saluti accompagnati e nu
Bellu futuru mu ndaviti
Mu vi voliti beni e mu v’amati.
Trimboli Rocco cl. 1943
“RICORDI”
Dui occhi e mi
veni ravanti
Nu paisi nu pocu curiusu
Na finestra chi
guarda a levanti
Na vineja chi vaji
pagghjusu
A cummari ssettata
javanti
Ca cunocchjia cu
fusu e u tilaru
eu mi giru, mi
votu fra tanti, mi ricordu quandu era cotraru
teni u mugnu la
gnura Cuncetta
sciacqua i panni
cu l’acqua e sapuni
cu ricama e cu
faci a carzetta è ssettata supa o barcuni
sunnu cosi du tempu
passatu
lapru l’occhji e
non viju cchiù nenti
ca ora i cosi su
tutti cangiati, rresta sulu nu bruttu prisenti”
Barbaro Giuseppe cl. 1947
“U CARCIRI”
Pari
ca catti u cielu e mi mpittau
Chistu
chi staju passandu u sapi sulu Diu
Ma
puru Diu ora mi bbandunau
Cu
sti penseri sugnu ancora eu
Senti
u cori mei chi staci mali
Pacchì
i sti porti si sperdiru i chjiavi
I
porti du mpernu si lapriru
Jettaru
i chjavi e cca intra mi rassaru
Quandu arbisci a matina
U
cori meu si risbigghja e si lluntana
Sentu
puru u trenu quandu passa
Si
leva i soi penseri e i mei mi rassa
Penseri
chi mi stannu cunsumandu
Pari
ca finiu pa mia chistu mundu
Mundu
salatu, dimmi, chi ti fici?
Notti
e jornu non mu pigghju paci.
Paci
trova sulu sta vita mia
Quandu
tornu ammata ca famigghja mia
Perre Francesco cl. 1959
“LI TURMENTI”
“Stasira
mi ritrovu a passijari
Nta
chista ruga bella e profumata
Nu
pocu i ventu e nu cielu stijatu
E
na umbra esti chi balla nta la notti
E
bonasira a vuistija lucenti
Di
chistu cori nesciunu sti canti
Fustivu
a causa di tanti turmenti
Chi
scumpariru tutti ora cca vanti”
Perre Giuseppe cl. 1981
“U LINSITU”
“A
castagna nta carrigna
U
perzicu nta prugna
U
cerasu ca cumpagna
A
nucara chi si vagna
Pruna
e mendili cu cui voi
Fica
e nescula cu li soi
Ogni
cosa linzitata
Sempri
a luna va guardata”
Papalia
Francesco
(cl. 1990)
“PENI E DULURI”
Eu chi ti guardava a lu passari
Nta ju scaluni mi facisti nnamurari
Mi facisti pigghjari di tantu amuri
Ma ora mi rassasti cu peni e duluri
Trimboli Giuseppe cl. 2000
La selezione delle poesie presentate durante l’ultimo
convegno tenutosi a Platì il 13 agosto 2017 – e qui mi viene in aiuto il titolo
del Maestro giapponese - per come viene
oggi riproposta la si può svolgere ad libitum, cosi come anche pensarla un continuum loop musicale: amore apre,
amore chiude così come fanno eco i due cognomi posti in apertura e chiusura.
Dentro possiamo ritrovare tutti li turmenti di un paese che ancora non ha
trovato la sua pace come la sua strada. Le generazioni dei poeti non sono
distanti tra di loro per cui riportano in vita il passato di una comunità
vitale come qualsiasi altro place in world.
Ovvio che qualsiasi traduzione sovrapposta porti alla
scarnificazione del testo poetico, qui riproposto anche per i platioti nel
mondo.
Nessun commento:
Posta un commento